Мы ўсе ідзём па шляху вольным --
Святло надзей ліецца з душаў.
Нам не патрэбны болей войны --
Зямля дзядоў чакае ружаў.
У дзень, калі квітнеюць дрэвы
І пакідаюць вуллі пчолы,
Зямля ўсміхаецца той веры,
Што вынішчае колер чорны.
Нясём мы вольныя спадзевы,
З якімі жыць народ павінен.
І, як адзін -- ідзём да веры,
Якая ў сэрцах не загіне.
Мы прысягам у любові
Сваёй зямлі, сваёй Айчыне.
І разам з ёй ідзём да волі,
Бо гэтак нас дзяды вучылі.
У вольны дзень імчыць Пагоня.
Збірае сілы край наш белы.
Пакуль жыве ў народзе воля --
Датуль народ не страціць веры.
24.03.2021.
РУХ
© Copyright: Валерий Познякевич, 2024
Свидетельство о публикации №124040504671
Свидетельство о публикации №124040504671
Рецензии