Гафар чида ваз лап масан,
Шиирарни туьк1уьрда хъсан,
Анжах дегиш жеда гар хьиз,
Вун чарадан жеда яр хьиз...
Тесниф шиир рик1ин ц1ай кваз,
П1узаррал хъвер шаддиз къугъваз,
Чир хьуй зазни хиял керчек,
Ят1а ваз зун яр хьиз герек.
Лугьумир гьич "залай алат",
Аксивалдай амач къуват,
Гъил къачуна, ая сабур,
Квадармир ви акьул, абур.
Яр ят1а лагь ширин гафар,
Шад ая зун, гана хабар,
Рик1 секин яз ийин ахвар,
Агудмир чав серин йикъар.
Зи ашкъидин я вун умуд,
Ви кузвай рик1 на зав агуд,
Муьгьуббатдин ц1ай хьуй рик1е,
Чун бахтунин гьатин рекье.
Уьмуьрдин гьисс к1анивал я,
К1анибурун къенивал я.
Дуьнья тирвал жеривал я,
Адет тирвал къверивал я.
31.03.2024.
Дуьньядин гьисс
© Copyright: Нажмудин Шихнабиев 2, 2024
Свидетельство о публикации №124033101201
Свидетельство о публикации №124033101201
Рецензии