Симеон Полоцкий Казнь за сожжение нищих

СИМЕОН ПОЛОЦКИЙ (ДО ПОСТРИЖЕНИЯ САМУИЛ ЕМЕЛЬЯНОВИЧ ПЕТРОВСКИЙ - СИТНИАНОВИ)
(1629 - 1680)
КАЗНЬ ЗА СОЖЖЕНИЕ НИЩИХ
"Епископ Могунтийский нищих не любяше,
Туне ядущы мыши оны нарицаше.
Егда же глад во стране велий сотворися,
Тогда число убогих велми умножИся.
Он, нищененавистник, скупством держим бяше,
От демона лукавый совет восприяше.
Собра нищих множество в житницу пространну,
Милостину сказуя им уготованну.
Егда же собрании от гладу стеняху,
От него хлеба в пищу умилно прошаху,
Рече ко рабом своим: "Се воплствуют мыши;
Восхити кождо пламень, тыя да палиши!"
Веление безбожна мужа исполниша.
Но злому делу казнь богом сотворися:
Нечестивый епископ червми расточися.
И где либо на стенах имя его бяше,
Дивне род мышей того писма истребляше.
В знамение известно, яко бяше тое
Из книг жизни истренно имя поклятОе,
И душа премерзкая яко в ад вержЕся,
Червием неусыпным ко снеди дадеся.
От праведна судии прав суд сотворися.
Сия слышай, ко нищым милостив творися,
Да господь нищых милость свою явит тЕбе
И питает тя хлебом жизни зде и в небе".
(1678 год)