Я чуу жалобны плач i крыкi...

Юрий Боровицкий
***
           Памяці мамы

Я чуў жалобны плач і крыкі
Над рэдкім золатам асін,
І за сабой кудысьці клікаў
Высокі жураўліны клін.

Хоць ведаў я, што толькі клінам
Магчыма выбіць з сэрца клін,
Я ногі цалаваў асінам
І верыў вернасці асін.

А клін высокі жураўліны
Над рэдкім золатам асін
Гарчыў мне ягадай каліны,
Ператвараючыся ў сінь.

Магчыма выбіць толькі клінам
Убіты ў сэрца жалю клін...
Той год пад небам жураўліным
Адзін застаўся я, твой сын.

10. 02. 2024 г.


© Copyright: Юрий Боровицкий, 2024
Свидетельство о публикации №124031607449
Список читателей / Версия для печати / Разместить анонс / Заявить о нарушении
Другие произведения автора Юрий Боровицкий
Рецензии
Написать рецензию
Другие произведения автора Юрий Боровицкий