"Фаданлай авай зун ц1ай галачиз куз..."
Т.Оруджева-Керимова.
Виридаз жавабар вун гуз алахъмир,
Вагьшийрин дердинай жув куз алахъмир.
Хъаст мийир на жуваз масадан хъиляй.
Мукъаятвал,килиг,вегьимир гъиляй.
Акъат тавун патал ви чандиз ифин,
Къайи яд хъваз вуна ая жув секин.
Къе авай пек -партал кьелеч1 жунаяр,
К1анзавайди са ц1ай кьадай багьна я.
Жизвидлай кьуна ц1ай хьайит1а кармаш,
Мад гьинай жеда чаз са маса Тераш ?!
Кхьизвай бикеяр пара авай туш,
Ви къайгъу тавунихъ чара авай туш.
Рик1елай алудмир вун лезги тирди,
Пиралдин дагъларин са цуьк атирдин.
Девирдин нукьсанар тушт1ани ваз хуш,
Уяхвал квадармир, жува жув хуьх, руш!
Жув кумир
© Copyright: Сейфудин Шахпазов, 2024
Свидетельство о публикации №124031307941
Свидетельство о публикации №124031307941
Рецензии