Заз к1анда вун лугьудайбур,
Интернетда къекъвезава.
Чи гьиссерив къугъвадайбур,
Чилин циф хьиз къалинзава.
Чинебан сир хуьзвай рик1е,
Муьгьуьббатдин ц1ай гьинава!?
Вуч ава куь ашкъид рекье,
Назик рик1ин тай гьинава!?
Гагь жеда куьн ширин шекер,
Гагь терс фикир,хиял жеда,
Элкъведа кьил ч1уру тегьер,
Лаш галукьай амал жеда.
Метлеб вуч я лугьуз жезвач,
Мез галк1изва, п1узар хъуьрез,
Къени гафни япуз физвач,
Будала яз,сайтда къекъвез.
Аялди хьиз хъелда вичи,
Вичин тахсир такьаз хиве,
Тикдиз кьуна гьа кьил гижи,
Тегьне жеда булдиз сиве.
Алата гум галачир ц1ай,
Акъудмир на зун къапарай,
Вун акурдай хьуй ахварай,
Аламатар аквадалд вай.
13.03.2024.
Интернетдай к1анибур
© Copyright: Нажмудин Шихнабиев 2, 2024
Свидетельство о публикации №124031304181
Свидетельство о публикации №124031304181
Рецензии