Рик1 акъудна къалуз жедач,
Дагъдин булах кьалуз жедач,
К1анивални къачуз жедач,
Чарадан сир лугьуз жедач.
Гатфаралд чуьл къацуз жедач,
Ц1ай садрани ламуз жедач,
Къацу къазни лацуз жедач,
Гьуьлуьвай къвез вац1уз жедач.
Девлетарни тухуз жедач,
Мич1и дерин суруз жедач,
Садан ванни япуз жедач,
Ягьсуз чинни яруз жедач.
К1вал зцигиз са къуз жедач,
Я к1ас ягъиз ракьуз жедач,
Я филдин физ хуруз жедач,
Къекъвен хъийиз шулуз жедач.
Йиф шеминвай экуьз жедач,
Цеквревай шез к1евиз жедач,
Кьуьлер ийиз кьец1из жедач,
Шаирдивай табиз жедач.
10.03.2024.
Жедач...
© Copyright: Нажмудин Шихнабиев 2, 2024
Свидетельство о публикации №124031004001
Свидетельство о публикации №124031004001
Рецензии