***
За дальнімі хмарамі думкамі-марамі
Я зноў у дзяцінства імкнуся.
Плыву да яго разам з шэрымі хмарамі
Ў куточак маёй Беларусі.
Там родная сцежка вітае мяне,
Там чорнай крыніцы малюся,
Там ліпа старая душу мне кране
Ў куточку маёй Беларусі.
Там ногі лагодзіць дарогі пясок,
З вярбой я там добра знаёмы,
Там кожнай бабулі я - проста сынок,
Там тонкай сцяблінцы саломы
Я рады, калі яе ў рукі бяру,
Нібыта падношу да сэрца
Куточак любімы, маю Беларусь,
Якою хацеў бы сагрэцца.
За дальнімі хмарамі думкамі-марамі
Я зноў у дзяцінства імкнуся,
Плыву да яго разам з шэрымі хмарамі,
Дажджом на яго праліюся...
01. 03. 2024 г.
За дальнiмi хмарамi думкамi-марамi...
© Copyright: Юрий Боровицкий, 2024
Свидетельство о публикации №124030906558
Свидетельство о публикации №124030906558
Рецензии
Як прыгожа і ласкава вы пішыце пра нашу Радзіму. Дзякуй вам!
Павел Снопков 10.03.2024 20:04 • Заявить о нарушении
Павел Снопков 10.03.2024 20:04 • Заявить о нарушении
Гэта вам вялікі дзякуй за тое, што чытаеце вершы!
Юрий Боровицкий 10.03.2024 20:14 Заявить о нарушении
Юрий Боровицкий 10.03.2024 20:14 Заявить о нарушении