***
Не калышуцца сасонкі
Танкаствольныя ў бары.
Засынае вецер звонкі
Ў час вячэрняе зары.
Ліхтары адкрылі вочы
І на вуліцу глядзяць.
Ноч праз бор сасновы крочыць,
Зоркі зімнія зіхцяць.
Вузкай вулкай след пляцецца
Да агеньчыка ў акне.
Дым над хатаю уецца
І, здаецца, комін гне.
Не калышуцца сасонкі.
След пятляе да двара.
Засынае вецер звонкі,
Гасне зімняя зара.
21. 02. 2024 г.
Не калышуцца сасонкi...
© Copyright: Юрий Боровицкий, 2024
Свидетельство о публикации №124030804518
Свидетельство о публикации №124030804518
Рецензии