Яр вилив хуьз
Зи рик1е лап са чими чка,
Кьунва вуна, цуьк,
Вил ала...мус жеда пака,
Чан зи хуьруьн нуьк1.
Припев:
Чан зи хуьруьн нуьк1,
Шад ая зи рик1.
Тахьуй зун гъарик1,
Ша зи хуьруьн нуьк1.
Жедани икьван яргъи йиф,
Мус хьуй экуьн яр?
Зи вилера къвазнава циф,
Вилив хуьз ви чар.
Припев виликанди:
Вуна мили хъвер ийида,
Ви гъил кьур ч1авуз,
Хьайила чун са гимида,
Лув гуда цавуз.
Припев виликанди:
Вафасузди хьана дуьнья,
Эх тежедай кьван.
Зи вил алайди са вун я,
Вазни хьухь зи ван.
Припев виликанди:
Ажеб иер са кар жеда,
Ван тахьай хьтин гьич,
Т1еамлуз дадмишна неда,
Кьисмет хьайи ич.
Припев виликанди.
Фарида Алимова
© Copyright: Нажмудин Шихнабиев 2, 2024
Свидетельство о публикации №124030803592
Свидетельство о публикации №124030803592
Рецензии