Экв акуна вилериз зи,
Яр такурла,ишигъ квахьай,
Рик1 ачухна эквериз зи,
Илгьам хъуьрез,нурар к1вахай.
Экуьникай х(а)рай сачах,
Багъишда за ярдиз к1ани,
Гьиссеривди къизгъин булах,
Ярдин багъда хьурай къайи.
Зи мурад я ислягь хьун яр,
Рик1яй рик1из жедайвал рехъ.
Руьгьдиз дуьнья тахьурай дар,
Яр алаз хьуй зи ярдин хъвехъ.
Рахадайла яр я билбил,
Гьар са гафни язва къизил,
Ачух жеда зинни гевил,
Килигналди тух жеч кьве вил.
06.03.2024.
Ярдиз
© Copyright: Нажмудин Шихнабиев 2, 2024
Свидетельство о публикации №124030700051
Свидетельство о публикации №124030700051
Рецензии