***
Пасля разлукі стомленыя гусі
Ляцяць маўкліва зноў да родных ніў
На шлях сваёй любімай Беларусі,
Што іншыя шляхі ім перакрыў.
Вось так і я да родных ніў імкнуся,
Бо не лічу ні дні тут, ні гады,
А з году ў год пяю для Беларусі,
Душою разам з ёю малады.
Хоць цяжкі шлях гаротнай Беларусі
І перакрыў мне іншыя шляхі,
Ніколі ад яго не адракуся,
Які б ні быў ён цёмны і глухі.
Я веру ў Беларусь і спадзяюся,
Што творчы шлях мой выйдзе з забыцця
На вольныя прасторы Беларусі,
На шлях яе свабоднага жыцця.
11. 02. 2024 г.
Пасля разлукi стомленыя гусi...
© Copyright: Юрий Боровицкий, 2024
Свидетельство о публикации №124022702277
Свидетельство о публикации №124022702277
Рецензии