***
Ноч зорачкамі вочы песціць.
Гараць на небе зор іголкі,
Нібыта ў ім разбіўся месяц
На найдрабнейшыя асколкі.
Хто мог так зорачкі развесіць?
Мігаюць зорныя сняжынкі,
Нібыта то разбіты месяц
Спраўляе зімнія дажынкі.
Ноч лютага. І ногі месяць
Падталы снег маёй дарогі,
А нада мной разбіўся месяц
Залатарогі...
08. 02. 2024 г.
Ноч зорачкамi вочы песцiць...
© Copyright: Юрий Боровицкий, 2024
Свидетельство о публикации №124022606824
Свидетельство о публикации №124022606824
Рецензии