***
Сёння наша мова
Ў забыцці суровым.
Мова ў недаверы.
Толькі на паперы
Лічыцца дзяржаўнай
І знікае плаўна.
Хіба што каровы
На палосцы вузкай
Мукаюць на мове
Нашай беларускай.
Нават і паэты
Забываюць мову:
У радках пра лета
Зімнія ў іх словы.
Дояцца грашыма
Нашыя каровы,
Дык нашто радзіма
І навошта мова?
Гімн на роднай мове
Слухаем штоночы
І нібы на споведзь
Да сумлення крочым.
А пайдзі на споведзь
Да папа якога,
Дык на роднай мове
І грахоў нямнога.
Вось і ўся аповесць
Вам на нашай мове,
Бо сягоння мова
Ў забыцці суровым.
Зачыняюць дзверы
Мове ў недаверы:
Не дай божа, плаўна
Стане тут дзяржаўнай!
Так вось паступова
І знікае мова...
06. 02. 2024 г.
Сёння наша мова...
© Copyright: Юрий Боровицкий, 2024
Свидетельство о публикации №124022604171
Свидетельство о публикации №124022604171
Рецензии