Гьар инсандин ярдиз рик1е к1вал хьана,
Бес вучиз зи рик1евай яр т1ал хьана,
Жизвидилай хъелиз ярди къал хьана,
Гьиссер къана, илгьамни зи лал хьана.
Виридаз чпин рик1из к1ани яр хьана,
Заз хифетрин алат тийир пар хьана,
Марф къвадайла, зал къвайиди хар хьана,
Барбат1на зун, и дуьньяни дар хьана.
Эй цавар-чилер, амачни адалат,
Зал вучиз рик1ин т1ал жезва гьавалат?
Зи кайи рик1 низ тада за аманат,
Гьайиф ч1угваз, дустар жезва аламат.
Ч1улав яна ширин чан зи, вуч ийин,
Гьик1 къекъведа дуьньяда, вуч пуч ийин?
Рик1из икьван дердер пайна,гуж тийин,
Муьгьуьббатдин гьиссерикай луж тийин.
Инсаф амач, язух къведай кас амач,
Сабурдивди рахадай са кас амач,
Ярдиз акьул гудай гьич са кас авач,
Зи дидардиз куьмек гьич са кас авач.
24.02.2024.
Вуч ийин - вуч тийин
© Copyright: Нажмудин Шихнабиев 2, 2024
Свидетельство о публикации №124022406288
Свидетельство о публикации №124022406288
Рецензии