Звечарэлаю парой
Да мяне прыходзяць вершы.
Цудадзейны маг-настрой,
Часцяком у часе першым.
Прыўзнятасць прынясуць,
Запісаць радок прымусяць.
Сэрца ланцугом скуюць,
Словы шчырыя не схлусяць.
Паэтычны добры лад
Адаб'ецца ціхім словам.
Сфарміруецца расклад:
Вершык напісаць гатова.
Ёсць фантазіі палёт,
Жыццярадасныя гукі.
Рамантычнасці налёт,
Драматычнай музы мукі.
Дапаможа зноў яна,
Не пакіне аніколі.
Невычэрпная казна,
Згустак фантастычнай волі.
Звечарэлаю парой
© Copyright: Татьяна Цыркунова, 2024
Свидетельство о публикации №124022402143
Свидетельство о публикации №124022402143
Рецензии