***

АГЬ, ХИЯЛАР…

Агь, хиялар, къуватдикай               
Я куьн зи, кумачир такьат.               
Гьак1ни заз рузи, пек… гайи,               
Пешедикай, хьанвай къакъат.            

Агьил ч1ав чи – агьвал агъуз,
Ажуз, ужуз  жезвай гьал я.
Дад-бидадиз, кьве гъил цавуз
Хкажайт1ан, ам са т1ал я.

Жегьил ч1авар, алатнавай,
Карагиз, хквез ава чандал.
Йисарни зи галатнава, -
Гъанвай виляй зун и тантал.

Ч1угур кьван зегьметдин себеб
Къулай гьалдал  ч1алах хьун я.
Фейи зи уьмуьрдин  метлеб,
Хизанди залд  дамахун я.

Зи кевил кьаз къвезва, гагь-гагь,
Рухваяр, сусар, хтуларни.
Рик1и лугьуз: инегь, пагь-пагь,
Зун хуьз амай дугулар зи!

Рази тежерд туш къе зи гьал:
Сагъвал ква, чина ама ц1вер,
Кьат1ун кума тежер ягъал,
Гьиссери зи бахшзама хъвер.

Амма ава  чир тежер сир:               
Низ гьикьванд я гузвай кьадар…               
Герек яз, хьана к1анда чир:               
Уьмуьр вахт я, - тежер мадар.               

Ял ягъзава, къайгъудамач
Заз рузи, пек,.. гайи  пеше.
Жегьил ч1аван къудгъун кумач,
Авайвиляй агьил куькве…