Лезги я зун,
Лезги хуьре хайид я!
Виридаз хьиз,
Жуван чlал кlан хьайид я!
Чlехи буба,
Лезги чlалал рахайд я!
Зи бадеди,
Рухар-гамар храйд я!
Бубади заз,
Лезги тарсар гайид я!
Дидеди зи,
Буба-баде хвейид я!
Лезги чилел,
Лап чlал кlани руш я зун!
Хайи хуьре,
Виридаз гьакl хуш я зун!
Хайи чlал зи,
Рикlе авай макьам я!
Экуьн бере,
За квез гузвай салам я!
Лезги я зун,
Хъукьвави я,Марьям я!
Чир хьайитlа,
Хайи чилел, Хаям я!
Лезги я зун!
© Copyright: Марьям Алискерова, 2024
Свидетельство о публикации №124021702459
Свидетельство о публикации №124021702459
Рецензии