Вучда на кьиликай, авачир фикир,
А кьиле акьулни,мефтlер тахьайла.
Вучда на рикlикай,авачир зикир,
А рикlе сирерни,гуьлер тахьайла?
Вучда на девлетрикай,авачирла кlвал,
Ви къвалал ацукьдай,са кас тахьайла?
Вучда на сергьятрикай,авачирла цал,
Ватан хуьдай рикl,мад вахъ тахьайла?
Вучда на а буйдикай кьакьан,тlарам,
Ви кlвале чай хъвадай,шекер тахьайла.
Жедачни бес тlуьр ваз,са кьас фу гьарам,
Ви чанда нефес ва жигер тахьайла.
Вучда на чарада,гатайтlа ви рак,
Ван къведай япар вахъ,тахьайтlа вучда?
Вучда на фейитlа,фу кlанз,чарад хьрак,
Ви кlвале кьасни,чатагъайтlа вучда?
Зи фикирда дуьньяда,ава тек кьве сир,
Садни рикlин ашкъи,муькуьдни Ватан!
Ашкъи хвейид бахтлу,техвейди есир,
Ватан хуьз чидайдан,рикl язва гьулдан!
Вучда вуна?
© Copyright: Марьям Алискерова, 2024
Свидетельство о публикации №124021606747
Свидетельство о публикации №124021606747
Рецензии