Шехьзава кьуьд, хьана селлер,
Живедикай гъвери-гъверер
Экъеч1зава лацуз,вилиз,
Яргъи рушан къацу гиниз.
Муркуц1рикай къвезмач т1или,
Чил-цав тирт1а цурцун сини,
Зулар-зулар хьанва дагъни,
Юзазва векь, чуьлни багъни.
Вили цавай вили марф къваз,
Шад я ник1ер къацу къаз гваз.
Гатфар къвезва пайиз атир,
Билбилдиз шад чизва къадир.
Гьар жуьре нагъма лугьуз,
Билбил тарце хьанвач ялгъуз,
Чепелукьдив вуч гва дамах,
Гьар са лув я гатун пайдах.
Инсанри цаз гуьзел цуьквер,
Гуьрчегзава хуьрни шегьер,
Ц1ийи хъийиз йисан вахтар,
Мугьман я чаз гуьзел гатфар.
05.02.2024.
Гатфар къвезва
© Copyright: Нажмудин Шихнабиев 2, 2024
Свидетельство о публикации №124020506387
Свидетельство о публикации №124020506387
Рецензии
