Рик1 гьиссерин булах я,
Гьарда хъвада вичиз к1аниди.
Дуствални зи дамах я,
Хкягъа квев кьадай къениди.
Инсанвилин къадир хьуй,
Зи алемдиз хуш яз къведайдаз.
Садни нарази тахьуй,
Гьиссерин гьалал ем недайдаз.
Фурс авун гьич лайих туш,
Мердвал рик1е авайдаз.
Зид булахдин тариф туш,
Рик1 ачухна халкьдиз къалайдаз.
Терез ава алцумдай,
Дуствални хаинвал къалурдай.
Ам намус я къалумдай,
Тежер садазни гьич хатурдай.
К1анивилин гьиссерни,
Чук1урзава гьарнихъ булахди.
Серин гузвай циферни,
Квадарзава гару къвалахъди.
01.02.2024.
Рик1 гьиссерин булах я
© Copyright: Нажмудин Шихнабиев 2, 2024
Свидетельство о публикации №124020106690
Свидетельство о публикации №124020106690
Рецензии
