Хин долу хьоза бенахь даькна
Бохуш нанас йахье вохуш
Берахь дуьйна амал ч1аг1ъйеш
Нохчийн Къонах кхиавора.
-Же,варийлахь, Дена хаахь
Мегар дац и к1анте бохуш
Деца болу ларам ч1аг1беш
Сий дан цуьнан 1амавора.
«К1антана х1у лаха, йо1ана цу лаха»
Нохчийн кица эрна дац
К1антах вуьззин Къонах вийриг
Нана хилар шеко йац.
Х1усам-нана оьзда хилар
Цул доккха ирс цхьа а дац
Т1аьхье йайна хьенеха бохуш
Наха п1елгаш хьежор дац.
***
© Copyright: Зарина Шаухалова, 2024
Свидетельство о публикации №124020103296
Свидетельство о публикации №124020103296
Рецензии