Зноў нябёсаў хвалюе сінь
І святло самай зоркай зоркі.
Запрасі мяне, запрасі,
Запрасі мяне ў Азёркі!
У глыбінях азёр – язі,
А ў гайнах жывуць вавёркі.
Адвязі мяне, адвязі,
Адвязі мяне ў Азёркі!
Зюзю з Баем хачу знайсці
І Завею, што сушыць зёлкі.
Адпусці мяне, адпусці,
Адпусці мяне ў Азёркі!
Зноў нябёсаў хвалюе сінь
І святло самай зорнай зоркі.
Выклікаю хутчэй таксі:
"Калі ласка, мне ў Азёркі!"
Прыпеў..
А ў Азёрках - Азяркі
І бор шумлівы, гаманкі!
А ў Азёрках, у Азёрках, у Азёрках,
А ў Азёрках я і ты,
Віруе вірус мілаты.
І вір бяздонны мілаты.
Лунае вірус мілаты
Мы ў Азёрках, у Азёрках, у Азёрках!
А ў Азёрках - Азяркі.
І свецяць зорам светлякі.
І б'юць хвастамі шчупакі.
І салютуюць шчупакі
Нам ў Азёрках, у Азёрках, у Азёрках!
--
А Азёрках - Азярк!
© Copyright: Ольга Лисицкая, 2024
Свидетельство о публикации №124012306352
Свидетельство о публикации №124012306352
Рецензии