***
Иги, аман деп айырмай, мен,
Хар бир жанны да иги сундум.
Къайгъыларым алгъанда бирден,
Эслилик керек болуп турдум.
Башха болаллыгъым жокъ мени,
Мени бла къыйынды, бил аны.
Алай а бар керти тенглерим,
Къандан, жандан да бек багъалы.
Тюзлюк, кертилик – излегеним
Хар къатымда болгъан адамдан,
Жангыз да ол - мени тилегим
Китапладан эм къаламымдан.
Андан айырылдым кёпледен,
Аны ючюн сатдынг сен мени.
Рахатлыкъ тапсам тенглеримден,
Сейирге къалдырама сени.
Иги, аман деп айырмай, мен...
© Copyright: Исмаил Бейтуганов, 2024
Свидетельство о публикации №124011607457
Свидетельство о публикации №124011607457
Рецензии