***
За акном мяце, гудзе
Белая мяцеліца.
І у шчасці, і ў бядзе
Ў Беларусь мне верыцца.
Не пахіляцца яе
Сосны векапомныя.
Пушча белая пяе
Пад жывымі промнямі.
За акном гудзе, мяце
Белая мяцеліца.
І душа мая расце,
Ў Беларусь мне верыцца.
Працавіты люд жыве,
Бульба й жыта сеюцца.
А за вокнамі плыве
Белая мяцеліца.
Дзе б ні быў, што б ні рабіў,
Ў Беларусь мне верыцца.
Над зямлёй маёй згубіў
Бог сваю мяцеліцу.
Не дарэмна дзень прайшоў.
Вось і вечар сцелецца.
Бог згубіў, а я знайшоў
Белую мяцеліцу.
За акном мяце, гудзе
Белая мяцеліца.
І у шчасці, і ў бядзе
Ў Беларусь мне верыцца.
11. 01. 2024 г.
За акном мяце, гудзе...
© Copyright: Юрий Боровицкий, 2024
Свидетельство о публикации №124011105051
Свидетельство о публикации №124011105051
Рецензии