Тек тарни гьич тама тахьуй,
Тек инсанни халкьдин юкьва.
Намерд инсан дидед тахуй,
Чун сад садаз хьурай мукьва.
Чарадан дерт таквадайди,
Чуьнуьхдайди уртах девлет,
Гьак1 нубатсуз рахадайди,
Герек туш чаз ахьтин небгет.
Чир тежерди ви инсанвал,
Садрани дуст жедайди туш,
Ярдин рик1ин чим, масанвал,
Ажеб жеда жувазни хуш.
Яр авачир садни тахьуй,
Зул галачир гадни тахьуй,
Ц1ай авачир чадни тахьуй,
Т1ям галачир дадни тахьуй.
09.01.2024.
Тек тарни тахьуй
© Copyright: Нажмудин Шихнабиев 2, 2024
Свидетельство о публикации №124010900843
Свидетельство о публикации №124010900843
Рецензии
