Гьинват1а бахт, агъур хьайи чилериз?
Са жизви кьван, зазни адахъ вил гала.
За цуьквериз кинарзава йифериз,
Захъни, эвел, гележегдин гъил галай.
Са ч1авузни, агъур парар к1улаваз,
Авур туш за чарадаз гъам-хифетар.
Хьайилани гуьзел багъдин кьулаваз,
Зав авур туш муьгьуьбатди суьгьбетар.
Ширин шагьвар элкъвез-элкъвез суварал,
Гуьруьшмишиз, бубуйри рик1 шадзава.
Зи ашкъини, хкаж хьанай цаварал,
Кьисметди, чан, заз вучиз мидадзава?
Са т1алабун мурад я зи, эвел я:
Дидедин хур хтай ч1авуз хиялдиз.
Милаим са хъуьруьнихъ зун ц1игел я:
Амма зи сес къвезва тек са завалдиз.
Дуьнядал зун атанват1а, етим яз,
Я чан Аллагь! Заз зи бат1ул чир ая.
Яшар хьанва, къе зун фагъир Керим я,
Са к1ус кьван зун бахтунин есир ая.
Гьинва зи бахт 53а
© Copyright: Магомед Мирзоев Мирзой, 2024
Свидетельство о публикации №124010105272
Свидетельство о публикации №124010105272
Рецензии