Пилте-пилте къвазва жив,
Аялри гуз къив.
К1ватар гьалчиз,яраб нив
Рахазват1а сив.
Гум акъатиз кузва къул,
Гару ч1угваз къул.
Гъиле кьуна писид кул,
Михьа к1вал тир къул.
Лацу хьанва чуьлни сув,
Такваз жуваз жув.
Киц1и ягъиз гъенел къув,
Гузмач лекьре лув.
К1ерет1-к1ерет1 аялар,
Ягъ тийиз ялар,
Мад пелелла алерар,
Рик1ин хиялар.
Чуьнуьх хьана валара,
Къуьрни ахвара,
Ван-сес амач багълара,
Я тик дагълара.
15.01.2024.
Хъуьт1уьн лишанар
© Copyright: Нажмудин Шихнабиев 2, 2023
Свидетельство о публикации №123122906777
Свидетельство о публикации №123122906777
Рецензии
