Уьмуьр физва дагъдин вац1 хьиз гурлу яз,
Йисарни хьана кьиле тухвай нурлу яз,
Гьайиф къвезвач алатай вахт зарлу яз,
Садазни зун хьанач зере буржлу яз.
Гьална уьмуьр са кас бейкеф тавуна,
Писни хъ(и)сан гьамишанда акуна,
К1еве гьатайд регьятвилиз акъудна,
Дустар жував мукьуфдивди агудна.
Такур жуьре инсанарни хьайид туш,
Хаинрихъ рик1 гьич садрани кайид туш,
Багърийрин за гуьгьуьлни гьич хайид туш,
Зун дидеди терс инсан яз хайид туш.
Хуш я рик1из шадвални чи адетар,
Гьич к1ан жедач уюнбазрин къелетар,
Гьар са кардиз гуз жедайд туш къиметар,
Гуз вахчуз жеч гьар инсандин къилихар.
Рази я зун уьмуьрдал тухвай жува,
Жезва гила жувни са кьуьзуь къужа,
Анжах руьгь жегьил я гьиссериз заха,
Декьий зунни икьван жуваз жув багьа.
25.12.2023.
Уьмуьрдикай хиялар
© Copyright: Нажмудин Шихнабиев 2, 2023
Свидетельство о публикации №123122507325
Свидетельство о публикации №123122507325
Рецензии