***
Нарадзіўся каталіцкі Бог.
Праваслаўны ў студзені народзіцца.
Сёння ранкам выйшаў за парог:
Зноў адліга - плача Багародзіца.
Пацяплела, і з усіх дарог
Вее ветрык, з зімкаю лагодзіцца.
Нарадзіўся каталіцкі Бог.
Дык калі ўжо Ён для ўсіх народзіцца?
Нарадзіцца Бог сягоння змог.
Дык ці трэба нам аб тым маркоціцца,
Што сярод няшчасцяў і трывог
Кволая надзея не народзіцца?
Нарадзіўся сёння хлопчык-Бог
І надзея на Яго - дзяўчынка,
Каб ніколі ўжо з-пад вашых ног
Не знікала верная сцяжынка.
25. 12. 2023 г.
Нарадзiуся каталiцкi Бог...
© Copyright: Юрий Боровицкий, 2023
Свидетельство о публикации №123122504201
Свидетельство о публикации №123122504201
Рецензии