(Акрошиир)
Етим кьена, халкь вични хьана етим,
Тамашнач худа дережадиз инсандин,
Илгьамдалди кана шаир ва итим,
Мелгьем гайиди инсанриз асантдиз.
Эмин амач, ама чирагъ куьк1уьрай,
Мурадрикай лезгийриз ч1ал туьк1уьрай,
Инсанрин рик1ера са рагъ къекъуьрай,
Несилри эзбердай пак тир т1вар Эмин.
Садра к1ел хъийин мад Эминан ч1алар,
Ажеб гуьзел тушни зардин гьар са ц1ар,
Гъафил жемир, даим я Эминан т1вар,
Я ам сагъди чи руьгьда- шаир Эмин.
2008-йис.
Етим Эмин сагъ я
© Copyright: Нажмудин Шихнабиев 2, 2023
Свидетельство о публикации №123121800292
Свидетельство о публикации №123121800292
Рецензии
