(Мани)
Межлисдин кьулал экъеч1на жегьил,
Лезгинка макьамдал ийизва кьуьл.
Дамах я хуьруьн итимрин агьил,
Жемят хьанва адал рик1ивай гуьл.
Припев:Лезги макьамди лув гузва хуьре,
Ашкъи гьевес гьатна гьардан рик1е,
Чамни свас гурлу капаралди къе,
Ц1ийи уьмуьрдиз гьатзава рекье.
Дишегьлийрикай сад хьанва серсер:
Килиг, жендек гадар жезвач цавуз,
Далдамдин к1арар хьиз къугъваз к1вачер,
Жегьил шад я, вичин гьунар къалуз.
Припев виликанди:
Куьтягь хьанвач гьеле лезги кьуьлер,
Давамзава межлис, руг тваз цава.
Ц1ай акъатиз, яру хьанва гъилер,
Шад сесерай ац1урнава гьава.
Припев виликанди:
17.12.2023.
Лезги кьуьл
© Copyright: Нажмудин Шихнабиев 2, 2023
Свидетельство о публикации №123121702087
Свидетельство о публикации №123121702087
Рецензии
