Гьич саданни хамир хатур,
Рахамир кардикай такур,
Чарадан нез вечрен ятур,
Лугьумир гаф адаз агъур.
Мугьманда хьиз твах межлисда,
П1узарар яхъ лап илисна,
Вахт хьайила, экъеч1 кисна,
Хъифимир жув вирдаз писна.
Нефсиниз це жуван тербет,
Ашдихъ галаз немир къенфет,
Гъаргъалаг хьиз мийир къелет,
Межлисар мад жеда гьелбет.
Девлет я чи умун къилих,
Чарадаз гьич ямир синих,
Ацукь чирна чка лайих,
Шад межлисда жемир дарих.
Гьуьжет мийир на межлисда,
К1уф кук1варда ви иблисда,
Зайифдани кьуьл илисда,
Гьар кткайда гъуд кекисда.
12.12.2023.
Хамир хатур
© Copyright: Нажмудин Шихнабиев 2, 2023
Свидетельство о публикации №123121205908
Свидетельство о публикации №123121205908
Рецензии
