***
Не напішаш пра тое, не скажаш,
Бо жывеш, як усе - мітуснёй.
І хоць вершы - адбельная пража,
Іх не трэба адбельваць хлуснёй.
Не адбеліш ні чорныя ночы,
Ні кароткі пахмурны свой дзень,
Ні салёныя сумныя вочы,
Ні жыцця свайго змрочнага цень.
Не адбеліш... Пішы пра бярозы,
Што бялеюць за белым акном,
Прамаўчы і пра боль, і пра слёзы
Адзіноты сваёй за сталом.
Не напішаш, нікому не скажаш,
Як жывеш, бо жывеш, як усе.
Толькі вершы - адбельную пражу -
Лістападаўскі вецер нясе...
21. 11. 2023 г.
Не напiшаш пра тое, не скажаш...
© Copyright: Юрий Боровицкий, 2023
Свидетельство о публикации №123112105565
Свидетельство о публикации №123112105565
Рецензии