***

НИКАЙ   ХУЬЗВА 
ЧУН   СИМЕРИ  САЛАМАТ   


 

 

Гьар
гъилера рик1е  гьатайла хайи хуьр,

Кьарувални,мажал
– вахт хьанваз уьзуьр,

Хуьруьн
къамат – ц1ийивилер ийиз чир,

Хъфизва
зун, кас хьиз, хуьруьхъ дарих тир.

И
сефер заз хуьре акуна  аламат, -

Ц1ац1ун
симер чун «хуьзавай» саламат.

 

 

А
пата кьет1ен часпар авун т1имил хьиз,

И
патани, халкь пай хьанвайди чиз – чиз,

Алахънава
часпардиз зул жагъуриз,

Кьарайдик
ква симин тарар ак1уриз.

Мягьтел
хьанай зун, акваз и аламат,

Никай
хуьзва чун симери саламат?

 

Кьунва
зулу чилер хуьруьн мулкунал,

«Тапастик»
ква вац1ни, кьерни, багъни сал.

Хуьруьн
са пай атанва хуп1 икрагьдал, -

Амач
лугьуз чка хуьдай хебни мал.

Элди
лугьузва акваз и аламат:

-Никай
хуьзва чун симери саламат?

 

Эхь,
часпардиз герек я чил, чка - къулп,..

Меслят
тавун, - халкь кваз такьун т1ушни хуп1!.

Аманат
я бубайрин чил, - хуьруьн мулк,

Ихтяр
авач са касдизни ийир т1улк.

Суал
гузва элди, акваз аламат:

-Никай
хуьзва чун симери саламат?

 

Эхь,часпарар
уьлкве патал герек я,

Ягъийрикай
хуьн патал ам куьмек я,

Саламатвал
патал мягькем дестек я.

Чилиз
герек къайгъу, кьадар – кьисмет я.

Халкь
пайна, часпар авун я аламат,

Никай
хуьзва чун симери саламат?

 

 

Умуд
рик1еваз яшамиш хьун са бахт я,

Гележекни
чав гумазмай чи вахт я,

Адалатдиз
икрамун чи панагь я,

Пачагь
дегиш жез, амукьдайди тахт я...

Аквадат1а
чи элдиз шад аламат,-

Амач
симер... Халкь саналла саламат.

2003 й.