ЧIулав цава гъетер лацу,
Вучиз дуьне я икI чIуру
РикIер залан, туькьуьл гафар
Акур вилер - такур кьасар
Гьикьван жеда, гьиниз фида
И цIарар за гьикьван кхьида
Низ герек я - авач къагъу
Ягъаз ава рикIер къаю
Мана вуч я кхьин шиир,
Са фикирни масакI тийир?
Садаз цуьквер, къужах хурал
Садаз шехьун, нагъвар сурал
Гьикьван ятIа уьмуьр иер
Гьакьван жеда тIариз рикIер.
Мецер лал я, япар биши
ГьакI ятIани я чун хвеши
КьатIун тавун я къенивал,
Акун тавун я хвешивал,
Табун гьахъ я - гьахъ я чIуру,
Лацуд чIулав - чIулавд лацу,
Эха, эха са гаф талгьуз,
ЧIал тапана эвичI фуруз,
Гаф жузамир, агъуз кьилер
Хкажмир садран цавуз вилер
Хпербанар хвешиз - кьуьлер
МуьтIуьгъ хьанва чпиз лекьер.
Д. Амирханов, Хуьлуьхъви
16.11.2023
МуьтIуьгъ хьанва чпиз лекьер
© Copyright: Джейхун Амирханов, 2023
Свидетельство о публикации №123112007757
Свидетельство о публикации №123112007757
Рецензии