Амукьзава рикIера чи!
Тик кьакьанрал элкъезва рагъ
Каспи патахъ физва Кьулан,
Даях я ви Шалбуз, Шагьдагъ-
Лекьерин муг-хайи ватан.
Атай чIавуз винел душман,
Хвена чна бубайрин кIвал!
Гьар са лезги –са къагьриман-
ТаратI кьуна дидедин чIал!
Женгера чаз чешне хьана
Шарвилидин къалханни тур!
Зулуматда гъед хьиз кана
Муьшкуьрвидин хци гапур.
ВикIегьвилив КIири буба
Руьгьда ава гьар дагъвидин!
Гьейран тушни элни-уба
Пак эсеррал Ярагъвидин!
Чи Хуьлуьхъви,чи Ярали
Чидани ваз ватандин хва?
Дамах я чаз Амирали,
«Лезгинкадин» макандин хва!
Масан я гьикI хайи макан,
Зегьмет кIани мерд инсанар
Шад я акваз вун авадан,
Мадни пара хьурай санар!
(припев)
Эл паталди чан гайибур
Маякар я рекьера чи!
Эбеди яз амукьзава,
Гуьмбет хьана рикIера чи!
Свидетельство о публикации №123111107411