***
Дожджык у Зялёнай.
Зелянеюць дачы.
Я стаю пад клёнам.
Дожджык ціха плача.
Што стаяць пад клёнам?
Лісце абляцела.
Дожджык у Зялёнай.
Восень дагарэла.
Дагарэла восень.
Скінуў клён лістоту.
Прабачэння просіць
Ён за адзіноту.
Не сумуй, мой клёне,
Я стаю з табою.
Дожджык у Зялёнай
Агарнуў журбою.
Агарнуў журбою
Дожджык у Зялёнай,
Дзе калісь з табою
Я стаяў пад клёнам...
09. 11. 2023 г.
Зялёная — вёска ў Мінскім раёне Мінскай вобласці.
Дожджык у Зялёнай...
© Copyright: Юрий Боровицкий, 2023
Свидетельство о публикации №123110903312
Свидетельство о публикации №123110903312
Рецензии