***
Зялёны лісцік пахне летам,
А жоўты - восеньскай журбой.
Я не лічу сябе паэтам
Чароўнай восені нямой.
Яна сама - паэт вялікі,
Складае вершыкі з лістоў.
А я - няўдалы і бязлікі -
Збіраць душою іх гатоў.
Сабакі брэшуць дзесь на ўзгорку
Ў пасёлку. Вечарэе шлях.
Пішу і я, ды мала толку.
Дарога ў скінутых лістах...
Журбою пахне жоўты лісцік,
Празрыстай восеньскай журбой...
Я - не паэт, я проста - містык
І веру ў восеньскі спакой...
04. 11. 2023 г.
Зялёны лiсцiк пахне летам...
© Copyright: Юрий Боровицкий, 2023
Свидетельство о публикации №123110903001
Свидетельство о публикации №123110903001
Рецензии