Гъвеч1и вахтар, рик1ел хтай, ц1ар хьана,
Легьзедикай бегьем са дафтар хьана...
Кашарикай хкатна са жуьреда,
Ислягь уьмуьр тухуз Самур дереда
Кимел жедай кавал галаз итимар,
Каш-мякь ийиз гьар са куьнин алимар.
Сивяй хьайи агъзур сарин хабарар
Ийиз жедай, ктун тийиз тапарар...
Хът1уьн йифер кьадардилай яргъи я:
Лугьун тийиз им чара, ам эгъи я,
Аялри гагь ч1ехибуруз туьмердай;
Кьвези буба мугьманвилиз эвердай.
К1вал ац1удай мягьледавай аялрив,
Секиндиз ацукьна винел кавалрин,
Яб гуз жедай гьар жуьредин махариз,
Гагь суст хьана фидай ширин ахвариз.
Секин вахт тир. Чунар авай сундухар
Авай тушир, бедбахтвилер ачухай.
А вахтара кьисаярни гзаф тир,
Гьар са кьиса адалатни инсаф тир.
Рик1ел къгъиз зани гил тикрарзава,
Зегьмет къачуз, намусдивди ц1арзава.
Кьвези буба мугьманвилиз эвердай
© Copyright: Магомед Мирзоев Мирзой, 2023
Свидетельство о публикации №123110802734
Свидетельство о публикации №123110802734
Рецензии