Шукур Аллагь, аламатар хивевай,
Чун гьамиша са хийирдин гелева.
Фикирдизни татай, ажеб к1валахар
Хьайи ч1авуз, гаткида хьи дамахар!
Хъсан я ам чир хьайит1а акьулдиз,
Чир тахьайт1а, намус квадмир асулдин.
Акваз-такваз квахьда куьлуь руг хьана,
Эхиратда гьар са касдиз муг хьанай.
Аллагьдални шак гъидайбур пара я,
Зегьле тухуз акьулди, бейчара я.
Вичин къайгъу аквадач хьи сифте яз,
Шаклу к1валах гъана вилик, бине яз.
Са жизви кьван усални чир тахьайла,
Т1иш цавуз акъудна къвазда, лагьайла...
Мух такурбур пара хьанва уьлкведа,
Лаш такуна экъеч1зава тевледай...
Намус квадмир асулдин
© Copyright: Магомед Мирзоев Мирзой, 2023
Свидетельство о публикации №123110605066
Свидетельство о публикации №123110605066
Рецензии