Хьуьрла1анна буоларехь, б1аьрг а хьестош,
Йоьдуш кура йо1 гича инзарваьлла 1адийра,
Гуро лаьцна оьпано санна мекхаш а лестош,
Воха а воьхна, вела а къежан бат г1аттийра.
Ма къежа кхокханна йалхо цициг санна суна,
Чехчира иза, б1аьргашца цайашар кхуьйсуш,
Г1ам-г1им дира ас моттаделира аьлла хьуна,
1едал дац оьг1азе хьозанна, туьтеш туьйсуш.
Сийначу тобалкхах, товш йо1 суна тарйелира,
1аламат из хаза а хетта б1аьрг д1атуххушехь,
Вовшенна хичаш а йина уьйр ца тассайелира,
Амма дагалоьцу безаме йо1 тобалкх гушшехь! (С) 28.10.23.
Ца доьг1на довзар!
© Copyright: Муса Вольф Айдамиров, 2023
Свидетельство о публикации №123102900464
Свидетельство о публикации №123102900464
Рецензии