(Кьиса)
Нехирбандиз фидач гъуьлуьз,
Вегьеда зун дерин гьуьлуьз,
Лугьуз гуьзел руша хуьре,
Са къал туна бубад к1вале.
Амма патав кисна кьисмет
Къвазна гуьзет ийиз гьуьжет:
-Акван на гаф хуьдан, лугьуз,
Югъ-йиф хьана, гада къалуз.
Са къуз туьшна кьведни санал:
-Вун зи яр я, лугьуз, гьалал-
Нехирбанди багъишна цуьк,
Рушан рик1яй тергна кьуьруьк.
Нехирбан тир ашукь жегьил,
Муьгьуьббатдин рекье векил.
К1ани ярдиз вафалу яз,
Акъвазнавай чандал кьин кьаз.
Шад хъвер ийиз, къвазна кьисмет,
Жегьилрини хвена адет,
Къурмишна лап гурлу мехъер,
Муьгьуьббатдин хьайи эвер.
26.10.2023.
Нехирбанни яр
© Copyright: Нажмудин Шихнабиев 2, 2023
Свидетельство о публикации №123102608031
Свидетельство о публикации №123102608031
Рецензии