ЖИГИТ ЖАШЛАГЪА
Палахны бетине къараргъа,
Къыралны жауладан аяргъа
Кючлери, ётлери болгъанла,
Сиз алдасыз, жигит къарнашла.
Не уллуду сизге ыспасым,
Къууанып, ма бирде уа жарсып,
Мен тиземе сизге махтаула,
Ыразы да, ёхтем да бола.
Кертичисиз журтха, антлыла,
Кётюресиз Россей байракъла,
Эниш этмей, барасыз алгъа,
Сюелесиз къанлы душманнга.
Чеклеге да къаты болгъанлай,
Къыралны къоруулайсыз алай,
Адамлыкъ шартланы да сакълай,
Жауладан, дауладан да жакълай.
Аскерчи жигитле, жигерле,
Сиз жууукъ да, узакъ да жерде,
Жан чыкъса да, къаласыз алай,
Россейге кертичи болгъанлай.
Атыгъыз не сыйлыды бизге!
Сиз, къалкъанча болуп тюзлюкге,
Келтиресиз жерге мамырлыкъ,
Юзюлмезча насып тамыры.
Ёлгенле, къалгъанла да бола,
Ма алай бардыла урушла.
Анала уа, къарай жоллагъа,
Тилекле этдиле… Толурла!
Бейтугъанланы Исмаил.
Защитникам Отечества!
© Copyright: Исмаил Бейтуганов, 2023
Свидетельство о публикации №123102208187
Свидетельство о публикации №123102208187
Рецензии