Сядлай каня.
Назад не глядзі: там нічога
Ніколі
Не было.
І не глядзі наперад: нічога
Ніколі
Не адбудзецца там.
Глядзі, як на кожным кроку
Капыты выбіваюць кантэкст
У кіназале мазгоў.
Не глядзі на таго —
Далёкага —
Ён будзе мёртвы.
Мёртвым хаваць мерцвякоў.
Глядзі на гэтага —
Блізкага —
Ён будзе мёртвы.
Няхай ад цябе не баліць
Цяпер.
Глядзі на сябе —
Немагчымага —
Ты будзеш мёртвы.
Паспей гэта імгненне
Быць.
Сядлай каня,
Пакуль
Не асядлалі
Цябе.
18.10.2023
Сядлай
© Copyright: Мария Руслановна Шебанец, 2023
Свидетельство о публикации №123101802773
Свидетельство о публикации №123101802773
Рецензии
