Ім веры не давай ні на паўтон,
Іх слізкім нагрувашчанням ідэй:
Дзьмухні — і талля выбухне, як сон.
Калі сусвет нясецца пад адхон,
Бяжы ад дрыгвы з процьмаю вачэй,
Ім веры не давай ні на паўтон.
Іх воклічаў вітражны парасон
Сціскаецца турмой вакол грудзей:
Дзьмухні — і талля выбухне, як сон.
Што жаб'і скарачэнні і жаргон?
Не болей чым прыблудны сухавей.
Ім веры не давай ні на паўтон.
І колькі б дзён ні крумкаў патэфон,
Трымайся ніткі розуму, Тэзей!
Дзьмухні — і талля выбухне, як сон.
Цяпер клянуць нябёсы ва ўнісон,
Імгненне — і сыдуць назад у глей.
Ім веры не давай ні на паўтон:
Дзьмухні — і талля выбухне, як сон.
08.10.2023
Жаб е
© Copyright: Мария Руслановна Шебанец, 2023
Свидетельство о публикации №123100802603
Свидетельство о публикации №123100802603
Рецензии