Расул Гамзатов
Алат1а дуьньядал са агъзур эркек
Алат1а дуьньядал са агъзур эркек,
Илчияр ракъурдай, хвена дагъви т1ул,
Гьабурун жергеда ви гаф тир герек,
Авайди чир хьухь зун-Гьамзатан Расул.
Есирда тунват1а эгер виш итим,
Муьгьуьбат себеб яз хьанвайбур юхсул,
Гьабурун арада кьат1уз туш четин,
Авайди са дагъви, т1вар алай-Расул.
Муьт1угънат1а вуна са ц1уд чамран рик1,
Звал алай ивидал къуччагърин асул.
Гагь шад жез, гагьни вич жезвайди гъарик1,
Гьабурун юкьвава Гьамзатан Расул.
Алат1а са итим дуьньядин винел,
Ви гуьрчег къаматди квадарна акьул,
Кувайди цифедик дагъдин синел,
Чир хьухь ваз тирди ам Гьамзатан Расул.
Эгена садни вал хьанвачт1а ашукь,
Хурушум ят1а вун, хьанват1а башк1ул,
Дагъдин чин ат1ана, гъавурда акьукь !
Кучудна сурава Гьамзатан Расул.
(авар ч1алай элкъуьрайди Сейфудин Шагьпазов)
© Copyright: Сейфудин Шахпазов, 2023
Свидетельство о публикации №123100500647
Свидетельство о публикации №123100500647
Рецензии