Хкаж хъжедай гуж авани
Чи рик;ера руьгь амани
Гъиле кьадай гапур хци
Ац;ур хъийидай хвалар ич;и
Кьуд пад мич;и - гьинихъ фида,
Кам вегьейт;а гьиниз гъида?
Чи уьмуьрдин куьруь рекьи
Жуваз жезва душман чIехи
Яз буьркьуь чун гьакI экъвезва
Уьмуьрд дапур физ, элкъвезва
Шумуд сихил, шумуд ксар
Са гаф гьахъ я - цIувад тапар
ЯтIани чими инсанд иви,
Жезва рик;ер мурк хьиз къайи.
Тухуз вацIув йикъар, йисар
Садаз гъамар, садаз сувар
Мугьман я чун - легьзед къене
АкьалтIзава чаз и дуьне
ХьайитIан рекьер физвай залан
РикIер къени тахьуй тапан
Кам вегьидай, фидай вилик
Къуват хьурай гьардан кIвачик
Къвез алатда туькуьл чIавар
Гьар кIвализ эгечIда сувар
Кьилер кудун туш чи чара
Ягъазмай кьван рикIер хура.
Джейхун Амирханов
Хуьлуьхъви
13.07.2023
Ягъазмай кьван рикIер хура
© Copyright: Джейхун Амирханов, 2023
Свидетельство о публикации №123100502751
Свидетельство о публикации №123100502751
Рецензии