Гъезел
Шарвилидин акун алай, Мердали, ви к1алуб зурба!
Ч1ехи шаир къе кьабулай, хуьруьн юкьвал клуб зурба !
Гагьул тежез кхьин я хас, жавагьирар авачир мас,
Къелем –туьрез, ягъ карабас, лежбер тушни вун хуб зурба !
Гуда лугьуз гъуьлуьз мажал,к1валин крар къачур вичел,
Зегьмет ч1угваз хьайи к1вачел, ви кайвани- хунуб зурба !
Ватандарвал авуна гьисс, к1ват1на тарих, хъсанни пис,
Чи газетдин хьайла 100 йис, вуна кхьей улуб зурба !
Зунни ракъурнач рик1елай, тарифарна лап к1евелай.
Раиж авур ви мацелай , машгьур канал Ютуб зурба !
Эй цаварихъ ягъанвай кас, Сейфудина лугьузва ваз:
-Хкажзавай маргьаба яз, эрч1и гъилин ви т1уб зурба !
© Copyright: Сейфудин Шахпазов, 2023
Свидетельство о публикации №123093004631
Свидетельство о публикации №123093004631
Рецензии