Канчаецца верасень, сшытак i кнiга...

Юрий Боровицкий
***
Канчаецца верасень, сшытак і кніга,
Якую ўсё лета чытаў - тры разы.
А што засталося ад лета - ад мігу?
У сшытку - лісток пажаўцелы з лазы...

Забуду я верасень, кнігу закіну,
А сшытак, як голле сухое, спалю.
І буду лавіць на акно павуціну,
Каб, можа, яе падарыць жураўлю...

Няхай яе возьме ў чужыя краіны,
Як доказ маіх недарэмных надзей,
Што вернецца з песняй мой клін жураўліны,
Што песня яго даляціць да людзей...

А песня мая?.. Я спалю гэты сшытак.
Лісток пажаўцелы сабе забяру.
Канчаецца верасень. Срэбраных нітак
Збіраю цяпло, - жураўлю падару...

29. 09. 2023 г.


© Copyright: Юрий Боровицкий, 2023
Свидетельство о публикации №123092903834
Список читателей / Версия для печати / Разместить анонс / Заявить о нарушении
Другие произведения автора Юрий Боровицкий
Рецензии
Написать рецензию
Другие произведения автора Юрий Боровицкий